जनसंवाद’ मध्ये उसळला जनसमुदाय

अमरावती : महसूलमंत्री तथा पालकमंत्री चंद्रशेखर बावनकुळे यांनी शुक्रवारी येथील नियोजन भवनातील सभागृहात जनसंवाद कार्यक्रम राबविला. यामध्ये विविध क्षेत्रांतील स्थानिक समस्यांबाबत नागरिकांनी ७००वर निवेदने सादर केली. जनसंवाद कार्यक्रमाला नागरिकांचा उत्स्फूर्त प्रतिसाद लाभला. पालकमंत्री यांना निवेदन देण्यासाठी नागरिकांच्या लांबलचक रांगा लागल्या होत्या. पालकमंत्री यांनी तक्रारी, निवेदने आणि समस्या घेऊन आलेल्या नागरिकांशी व्यक्तीशः संवाद साधला, त्यांचे म्हणणे ऐकून घेतले. त्यांच्या तक्रारीवर येत्या आठ दिवसात कार्यवाही करण्यात येणार असून, त्यासंबंधीची पोहोच पालकमंत्री कार्यालयातून आठ दिवसात देण्यात येणार आहे. अनेक लोक वैयक्तिक समस्यांची निवेदने घेऊन जनसवांद कार्यक्रमात आले होते.

चार तास पालकमंत्र्यांचा संवाद वीजबिल, मालकी पट्टे, रस्ते, नोकरी, कृषी, शेतकरी आत्महत्या, घरकुल, रस्ते, पाणी, क्रीडा या विषयांवर सुमारे चार तास पालकमंत्री ना. बावनकुळे यांनी नागरिकांशी संवाद साधला. यावेळी सुमारे ७०० पेक्षा अधिक तक्रारी पालकमंत्री यांनी स्वतः स्वीकारल्या. पालकमंत्री यांनी नागरिकांशी चर्चा केली व त्यांचे म्हणणे ऐकून घेतले.